ENSINANZA VISUAL

Técnica que combina fragmentos de distintos materiais que se pegan enriba do cadro. Pode combinarse con pintura e outras técnicas e materiais. O profesor Antonio García Villarán explica a técnica da colaxe nunha serie de catro vídeos: o primeiro, aquí abaixo ou  nesta ligazón . Actividade Imos facer unha reinterpretación, empregando a técnica da colaxe, dunha obra pictórica coñecida. Nesta ocasión, propóñovos o cadro de Leonardo da Vinci titulado  Retrato de Lisa Gherardini, esposa de Francesco del Giocondo  (óleo pintado entre 1503 e 1519), que é máis coñecido universalmente como A Gioconda ou A Mona Lisa . Leonardo da Vinci [Public domain], via Wikimedia Commons A continuación podes ver os traballos de colaxe sobre a Mona Lisa feitos polo alumnado do IES de Quiroga, durante o curso 2016-2017. Para saber máis En España, actualmente, faixe colaxe! Como mostra, aí tedes estas ligazóns á Sociedade de colaxe de Madrid e á web da artista Aurora Gorrión .

A circunferencia é unha figura xeométrica que está presente en aḿbitos como as matemáticas, a arquitectura, o deseño, as artes visuais... Juan Ledo, Rosa de los vientos Mediante as divisións da circunferencia en partes iguais pódense obter moitos sistemas de medida e organización, coma un reloxo, unha brúxula, unha rosa dos ventos, as medidas dos ángulos, etc. Alex the Shutter, O'clock  A circunferencia é a base do deseño de moitos obxectos cotiáns, coma pratos, moedas, sinais de tráfico, rodas, etc. Angel Escartin Casas, Untitled Ciro, Coins Coñecer como se divide unha circunferencia é moi práctico, á hora de repartir as porcións dunha pizza! russellstreet, Pizza ACTIVIDADE Buscade en Flickr catro imaxes nas que se vexan circunferencias con divisións, semellantes aos exemplos anteriores.  Abride as fotos en GIMP e recortade un obxecto circular en cada imaxe. Compoñede unha nova imaxe en GIMP con eses catro recortes sobre un fondo branco. 

LibreCAD Pantalla de traballo de LibreCAD, versión 2.0.4 LibreCAD é una aplicación CAD de Código Aberto ( Open Source ). Probablemente, é o CAD 2D gratuito máis utilizado. Trátase dun fork de QCAD . Non ten tantas funcionalidades coma este último, pero serve como ferramenta para achegarse ao mundo do CAD. Apropiado para principiantes. QCAD QCAD correndo baixo Linux QCAD é unha aplicación gratuita de Código Aberto. Trátase dun CAD en dúas dimensións (2D), do que se derivou o LibreCAD. A versión gratuita de QCAD dura uns 15 minutos, despois segue a funcionar pero elimínanse algunhas funcións que corresponden á versíón PRO (de pago). Pódese pechar a aplicación e volver a abrila as veces que se precise, co cal evítanse as limitacións. A versión actual de QCAD (3.16) ten moitas máis funcionalidades que o LibreCAD (2.1.2). Tinkercad Modelado de pezas sinxelas en Tinkercad Tinkercad é un CAD de deseño e modelado 3D da empresa Autodesk (os de AutoCAD). A partic

Na web de educacionplastica.net tedes acceso a unha aplicación para trazar polígonos regulares e polígonos estrelados. Cada alumno fará TRES imaxes que conteñan polígonos estrelados . En cada imaxe, terá que haber como mínimo dúas estrelas, e polo menos dúas cores de recheo.   Kazi S. M. Faysal, Tangram-4 Algo de diversión xeométrica: o Tangram . Busca información sobre este antigo divertimento xeométrico, e redacta un documento de texto contando a súa historia, en que consiste, e inclúe o debuxo das figuras que o forman. Cando remates, intenta resolver as figuras propostas nesta aplicación online (emprega flash). PARA SABER MÁIS Entrada na web dibujotecni.com sobre construción de polígonos regulares . Na mesma web, exemplos de polígonos estrelados . En laslaminas.es hai apuntes de xeometría plana, coma este PDF sobre polígonos regulares dado o lado .

Compoñer, cando se fala de imaxes, é a forma de dispor nelas os elementos que as conforman. Tamén compoñemos unha imaxe cando decidimos a relación dos elementos dela coas marxes da imaxe, é dicir, a súa ubicación nela. Mellor vémolo cun exemplo sinxelo. Fíxate na diferencia entre estas dúas imaxes: Trátase da mesma árbore, pero situada en dúas posicións distintas na imaxe. Na primeira imaxe, a árbore está centrada respecto ao marco. Na segunda, a árbore desprazouse cara á dereita. Na seguinte fotografía, podes apreciar como o autor non centrou o obxecto principal (a árbore), senón que o situou á dereita, buscando obter un resultado mais atractivo. Tendo en conta as regras da composición, e manexándoas con destreza, podemos influir nas sensacións que experimenta o espectador e nas mensaxes que queremos transmitir. Actividade Debuxa dúas composicións distintas, empregando en ambas os elementos da ilustración inferior: 3 botellas e 2 copas. Debes usar algún d

Analizamos unha obra de arte: o cadro La persistencia de la memoria (1931), de Salvador Dalí. Imaxe en alta calidade: ligazón .  Guión para a análise: texturas que aparecen uso da cor tipo de luz empregada direccións visuais relacións entre elementos: harmonía ou contraste punto de vista, encadre, tipo de plano grao de iconicidade tamaño, formato estudo da composición: liñas compositivas, puntos fortes pesos visuais: tamaño dos obxectos, importancia do vacío materiais empregados movemento artístico imaxe simple (monosémica) ou complexa (polisémica) posibles significados da imaxe función da imaxe: expresiva, xornalística, publicitaria Nesta ligazón podes ler un exemplo de análise desta obra pictórica. E nesta ligazón tes outra análise da mesma obra.