O PROCESO DE CREACIÓN ARTÍSTICA
Como se fixo o cadro Le café, de Pierre Bonnard
 |
| Pierre Bonnard, Le café (1915) © ADAGP, Paris and DACS, London 2017 |
Análise da obra
O cadro Le café é un óleo sobre lenzo pintado en 1915 por Pierre Bonnard. Na pintura, móstrase unha mesa desde un ángulo levemente elevado. Está cuberta cun mantel vermello e branco sobre o que se colocaron unha cafeteira, dúas cuncas brancas e unha bandexa para comida. Unha muller vestida de amarelo vivo senta ao outro lado da mesa, tomando unha cunca de café e volvéndose cara a un pequeno can que está con dúas patas sobre a mesa. Unha segunda muller, vestida de azul, inclínase cara a un vaso sobre a mesa.
A composición está enmarcada á dereita por un borde decorativo amarelo, vermello e azul; hai un motivo similar nunha banda de cor situada na parede detrás do can. Na parede do fondo aparece un cadro ou tapiz.
A paleta está restrinxida casi por completo a vermello, amarelo, azul, branco e marrón. O negro da bandexa contrasta co mantel, constituindo un foco que atrae ao espectador. O ambiente é doméstico e apacible.
O traballo preparatorio
Pierre Bonnard, o pintor deste cadro, fixo varios bosquexos a lapis antes de pintar a obra definitiva. Consérvanse tres deses bosquexos, todos executados rapidamente, nos que se amosan elementos da composición en curso.
 |
| Bosquexo T06546 |
 |
| Bosquexo T06547 |
O Bosquexo T06547 é o menos resolto dos tres, cun debuxo moi solto das cabezas e parte superior dos corpos do can e da muller sentada.
 |
| Bosquexo Bosquexo T06545 |
O bosquexo T06545 concéntrase en afinar o movemento da figura central: mantén a taza de café na parte superior, atrapada no acto de beber; apareceu o mantel e quedou o can, as patas dianteiras balanceándose sobre a mesa, sobre a que se esbozaron a maioría dos obxectos que apareceron na pintura definitiva.
As modificacións durante o proceso de creación
Hai evidencias de alteracións na obra. Timothy Hyman (autor dunha monografía sobre Bonnard) observou que a composición estendeuse considerablemente ao longo do bordo inferior e que a cadeira da dereita foi movida cara ao centro, coa muller de pé pintada sobre ela e ampliada.
Os bosquexos tamén proporcionan evidencias da reelaboración de Bonnard, en particular a colocación da muller sentada e do can. A súa posición cambia notablemente dunha intimidade relaxada coa súa mascota en T06547, para sentarse xunto a ela en T06546, para torcer cara a el en T06545. Os bosquexos son de tamaño uniforme e é probable que inicialmente formasen parte dun caderno de bosquexos.
