Transformar obxectos cotiáns en arte

-

Cusano


Como remate do curso, imos facer unha actividade na que trataremos de explotar ao máximo a creatividade, mediante a imaxinación, o inxenio e o debuxo.

Pensaches algunha vez que os obxectos ou a comida que tes na casa poden formar parte dunha obra artística? Non? Pois isto é o que fan algúns ilustradores como Diego Cusano, Jesuso Ortiz ou Javier Pérez. Collen un obxecto normal e corriente, e transfórmano noutra cousa, mediante a súa incorporación a un debuxo.

Diego Cusano é un artista italiano que se denomina "Investigador de fantasía" e explora a liña entre imaxinación e realidade. Utilizando a súa creatividade, este artista é capaz de converter obxectos comúns en ilustracións inesperadas que permitan ver eses sinxelos elementos cotiáns desde unha nova perspectiva. «Comecei a ver as cousas desde un punto de vista diferente e desde este novo enfoque comecei a crear as ilustracións que, desde entón, publico cada día nas redes sociais», escribe Diego na súa páxina de Facebook.

A conta en Instagram de Diego Cusano: https://www.instagram.com/diego_cusano/

A conta en Instagram de Jesuso Ortiz: https://www.instagram.com/jesuso_ortiz/

A conta en Instagram de Javier Pérez: https://www.instagram.com/cintascotch/

TAREFA

A túa tarefa consiste en crear unha ilustración na que inclúas un obxecto da túa casa, transformándoo en algo novo, como fan os artistas que acabamos de comentar.

PASOS

1. Investiga nas contas de Instagram e neste taboleiro de Pinterest para inspirarte.

2. Elixe un obxecto da túa casa e pensa como o podes transformar noutra cousa mediante un debuxo. Na cociña é onde podes atopar máis e mellor variedade.

3. Colle unha lámina DIN A4, ou nun folio branco, coloca o teu obxecto sobre a lámina, e faille unha foto antes de debuxar nada.

4. Co obxecto colocado sobre o papel, fai o debuxo, con rotulador negro e/ou de cores. Tamén valen lapis de cores, ou ceras. Escribe o teu nome e apelidos debaixo do debuxo. Cando estea rematada, fai unha foto da túa obra.

ENTREGA

Envía as dúas fotos, subíndoas á aula virtual. No cadro de texto, explica brevemente en que consiste a túa ilustración.

Comentarios

Publicar un comentario

Publicacións populares deste blog

Texturas táctiles, texturas visuais

-
Imaxe
Presentación sobre as texturas e a técnica da Frottage .     Presentation in English:    Vídeo para inspirarte na creación de texturas gráficas: Como debuxar texturas / How to draw Textures . E na seguinte presentación podes ver, paso a paso, como preparar a lámina. Practicamos tamén nela o debuxo de hexágonos regulares inscritos en circunferencias.  
Ler máis

Debuxando figuras imposibles

-
Imaxe
Vlad Alexeev, Bird in the Cage (2015) Unha figura imposible é un tipo de ilusión óptica. Consiste nunha imaxe dun obxecto, en apariencia ben construído, pero que, despois de observalo un rato, resulta evidente que sería imposible que existise na realidade. A natureza inquietante dos obxectos imposibles prodúcese por mor do noso desexo natural de interpretar debuxos en 2D como obxectos tridimensionais. É por iso que o debuxo dun cubo de Necker é máis probable velo como un cubo, máis que "dous cadrados conectados con liñas diagonais, un cadrado rodeado de figuras planas irregulares ou calquera outra figura plana". Actividade Debuxa nunha lámina dúas figuras imposibles e unha ilusión óptica. Colorea os debuxos para acentuar o efecto visual. Imos debuxar: un triángulo de Penrose, un Blivet, e unha ilusión de Ponzo. Comeza facendo as marxes e o recadro cos teus datos nunha lámina, e divídea en tres partes, segundo este modelo . Despois, debuxa en cada recadro
Ler máis

Combinando cores

-
Imaxe
 Nesta tarefa imos traballar coas cores e diferentes formas de combinalas. Antes de realizar a tarefa, vexamos a seguinte presentación, na que está explicado o que necesitas para poder facer o traballo.         Na web de Canva tes un círculo cromático interactivo no que podes facer moi facilmente combinacións de cores. Agora que xa coñeces un pouco máis sobre a cor, imos coa tarefa. No mundo do Deseño Gráfico, utilízase o contraste de cores para chamar a atención e favorecer a visibilidade de deseños publicitarios, de logotipos ou de sinais. Esta tarefa consiste en deseñar un isotipo para un restaurante e probar varias combinacións de cores. O deseño basearase en figuras xeométricas simples. Pode ser figurativo ou abstracto. Fai varios bosquexos ata que esteas conforme co deseño. Infórmate: que é un isotipo? PASOS PARA REALIZAR A TAREFA Prepara unha lámina con catro recadros iguais, de 70x70 mm, deixando espazos de 20 mm entre eles. Unha vez decidido o deseño, copiao a lapis en ca
Ler máis